શું તમને વાર્તા સાંભળવી ગમે?

વાચિકમ વિથ પૂજા

સોશિયલ મીડિયા ના વધતા જતા પ્રભાવ અને આપણી બદલાતી લાઈફ સ્ટાઇલ ના કારણે આપણી સાંભળવાની ક્ષમતા ઘટતી જાય છે. આપણે હવે વધુ સમય કોઈ એક મુદ્દા પાર ધ્યાન આપી શકતા નથી. પછી એ આપણી કોઈ સાથે ની વાત ચીત હોય , કોઈ વિડીયો હોય કે પછી આપણો ફોન. ટીવી જોતા પણ હાથ માં રિમોટ હોય તો ચેનલ સતત બદલાયા જ કરે , ફોન માં સ્ક્રીન સતત સ્ક્રોલ થયા જ કરે. એક વિડીયો પર આપણે 3 સેકન્ડ થી વધુ રોકાઈ નથી શકતા। એમાં વાંચવાની વાત તો ક્યાંથી આવે? અપેક્ષા જ ના રાખી શકાય!

તો પછી સંભળાય ખરું? જો મને વાર્તા વાંચવા જેટલો કદાચ સમય ના હોય , તો હું સંભળી તો શકું જ ને! કારણકે એના માટે મારે ખાસ સમય નથી કાઢવાનો। હું બીજું કઈ પણ કરતા કરતા એને બેકગ્રાઉન્ડ માં પણ સાંભળી શકીશ।

મારી આ વાત સાથે જો આપ સહમત થતા હોવ તો આપની પાસે વાર્તાઓ સાંભળવાના કેટલાક શ્રેષ્ઠ વિકલ્પો હાજર છે. રેડીયો ના વખત થી મારો પ્રયાસ રહ્યો છે કે લોકો હંમેશા કૈક સારું સાંભળે અને એમાંથી કશુંક ગમતું પોતાની પાસે રાખે અને એને અનુભવે। રેડિયો પછી પણ મારા આ પ્રયાસ ને ચાલુ રાખતા મેં ‘વાચિક્મ વિથ પૂજા’ પોડકાસ્ટ ની શરૂઆત કરી. જ્યાં તમે ગુજરાતી ભાષા ની વાર્તાઓ તમારા ગમતા સમયે સાંભળી શકો છો.

આ બધી જ વાર્તા ઓ spotify અને Apple Podcast / આઈ – ટયુન્સ પર ‘ વાચિક્મ વિથ પૂજા’ ના નામે ઉપલબ્ધ છે. અહીંયા દર્શાવેલી લિંક પર ક્લીક કરી ને પણ આપ એને સાંભળી શકો છો.

https://podcasts.apple.com/in/podcast/vaachikam-with-pooja/id1501302964?i=1000467297175

સાથે મને એ કહેતા પણ ખુબ આનંદ થાય કે મારા બે ખુબ સારા મિત્રો પણ આવો જ કૈક પ્રયાસ કરી રહ્યા છે. રેડિયો સિવાય અવાજ ના માધ્યમ થી આપના સુધી અદભુત વાતો અને વાર્તાઓ પહોંચાડવાનું કામ.

મેઘા એ હમણાજ ઓડિયો સ્ટોરીઝ વાંચવાની શરૂઆત કરી છે. જે આપ યુ ટ્યુબ પરથી સાંભળી શકશો અને નૈષધ એમની આખી ટીમ સાથે ‘જલસો’ ના માધ્યમ થી આપણાને જલસો કરાવી રહ્યા છે. જલસો એપ્લિકેશન પર તો ગુજરાતી સાહિત્ય નો ખજાનો છે.

અહીંયા ઈરાદો માત્ર આપના સુધી એક શ્રેષ્ઠ સાંભળવાનો અનુભવ પહોંચાડવાનો છે. પછી એ મારા થકી હોય , મેઘા થકી હોય કે નૈષધ થકી કે અન્ય કોઈ થકી। જો સારું સંભળાશે , તો સારું પીરસાશે અને તો જ સારું બહાર આવશે।

જો વાત ગમી હોય તો અમારી વાર્તાઓ ચોક્કસ સાંભળજો અને સાથે આપણા પ્રતિભાવો આપવાનું પણ ચુકતા નહીં।

Happy listening 🙂